კვირა, 17.12.2017, 20:34 | მოგესალმები სტუმარი | რეგისტრაცია | შესვლა

მთავარი გვერდი

1. რუსთავის კავშირგაბმულობამ დაიწყო ახალი სატელეფონო ხაზის მშენებლობა რუსთავი - თბილისის მიმართულებით
2. მშენებარე რუსთავში პირველი საავტომობილო გზის მშენებლობა დაიწყო. 420მ სიგრძის ტრასა მტკვრის მარცხენა სანაპიროზე ასფალტის საფარით დაიფარა.
3. 1 აგვისტოს, რუსთავში ახალი საავდმყოფო გაიხსნა. იგი 75 საწოლს მოიცავდა და იყო თერაპიული, გინეკოლოგიური, სამშობიარო და საბავშვო განყოფილებები. შეიქმნა ასევე პირველი კლინიკა - დიაგნოსტიკური ლაბორატორია, სისხლის გადასხმის ცენტრი.

 
 
ნანახია: 1374 | დაამატა: Nikolozi | თარიღი: 11.08.2009 | კომენტარი (4)

რუსთავის მერმა მამუკა ჩიქოვანმა ბარათაშვილისა და სუმგაითელ მეტალურგთა ქუჩებზე მიმდინარე სარეაბილიტაციო სამუშაოები დაათვალიერა. წლების განმავლობაში ლამის გაუვალი ქუჩები ერთ თვეში ახალ სიცოცხლეს შეიძენს და ადგილობრივი მოსახლოებაც კმაყოფილი დარჩება. მაგალითად, ბარათაშვილის ქუჩის სავალ ნაწილზე ასფალტის ახალი საფარის დაგება ხდება, სუმგაითელ მეტალურგთა ქუჩაზე კი ჯერ ახალ ბორდიურებს აწყობენ.

„ამ ქუჩაზე დავიბადე და გავიზარდე. რაც თავი მახსოვს, ბარათაშვილის ქუჩა სულ დანგრეულია. ვერც კი წარმოვიდგენდი, რომ ოდესმე შეაკეთებდნენ“, - ამბობს ბარათაშვილის მკვიდრი ახალგაზრდა ქალბატონი.
„ამ ქუჩაზე ბევრს ფეხი მოუტეხია“, - აცხადებს მეორე ქალბატონი.
„ყველა ქუჩა, რომელიც კი მტკვრის მარცხენა სანაპიროზე მდებარეობს და სარემონტოა, წლის ბოლომდე განახლდება, მოგეხსენებათ, მუნიციპალური განვითარების ფონდის დაფინანსებით სარეაბილიტაციო ქუჩებზე, სავალი ნაწილის გაყოლებით, თანამედროვე ტროტუარები კეთდება. თუმცა, ტროტუარები კი ჰქვია, მაგრამ, პრაქტიკულად, ეს არის დასასვენებელი ადგილები, ქვაფენილებით, სკამებით და ლამაზი ლამპიონებით, ისეთი, როგორიც მტკვრის მარჯვენა სანაპიროზე მოვაწყეთ“, - განაცხადა ქალაქის მერმა.

ამ ორ ქუჩაზე სამუშაოების დასრულების შემდეგ დაიწყება სარაჯიშვილის, არაყიშვილისა და 9 მაისის ქუჩების რეაბილიტაცია.

შენიშვნა: წარმოდგენილ ფოტოებზე გამოსახულია რუსთავის მარჯვენა სანაპიროს განახლებული ცენტრალური ქუჩების რამდენიმე ფრაგმენტი.
 
 
ნანახია: 716 | დაამატა: Nikolozi | თარიღი: 11.08.2009 | კომენტარი (0)

გუშინ რუსთავს პოლონეთის ქალაქ ლოძის მერი ჯეზი კროპილინსკი ესტუმრა და თავის რუსთაველ კოლეგას, მამუკა ჩიქოვანს, შეხვდა.

ბუნებრივია, საუბარი ორ დაძმობილებულ ქალაქს - რუსთავსა და ლოძს შორის ურთიერთანამშრომლობის გაღრმავების პერსპექტივას შეეხო.
ცნობისთვის, რუსთავისა და ლოძის მეგობრების ისტორია სათავეს გასული საუკუნის 90-იანი წლების ბოლოდან იღებს, თუმცა კონტაქტები მაინც ოფიციალურ დონეს არ გასცილებია, ერთობლივი პროექტები კი, მხოლოდ საგანმანათლებლო სფეროში ხორციელდებოდა და გამოცდილების ურთიერთგაზიარებით შემოიფარგლებოდა. მაგალითად, პოლონელი სპეციალისტების მონაწილოებით, რუსთავის თვითმმართველობის წარმომადგენლებისთვის ტრენინგები ტარდებოდა.

თუმცა მამუკა ჩიქოვანთან შეხვედრის შემდეგ ჯეზი კროპილინსკიმ ჟურნალისტებს ერთი საინტერესო ინფორმაცია გაანდო: შემოდგომაზე რუსთავიდან ოფიციალური დელეგაცია გაეგმგზავრება, დელეგაციის შემადგენლობაში რუსთაველი ბიზნესმენებიც იქნებიან, რომლებიც ლოძის საქმიანი წრეების წარმომადგენლებთან კონტაქტებს დაამყარებენ.
„სრულიად მოსალოდნელია, რომ ამ შეხვედრებმა ბიძგი მისცეს ერთობლივი ბიზნეს- პროექტების განხორციელებას, მით უფრო, რომ ლოძი, ისევე როგორც რუსთავი, ინდუსტრიული ქალაქია“, - თქვა ლოძის მერმა.

ჯეზი კროპილინსკი საქართველოში „ევროპის სამეზობლო პოლიტიკის“ ფარგლებში თბილისში ორგანიზებულ კონფერენციაზე დასასწრებად ჩამოვიდა.
„ევროპის სამეზობლო პოლიტიკა“, - ევროკავშირის ეს ტრატეგიული ინიციატივა, პოსტსაბჭოთა ქვეყნებში თვითმმართველობების დონეზე პროექტების განხორციელებასაც ითვალისწინებს.

ლოძის მერის თქმით , პოლონეთი, როგორც ევროკავშირის წევრი ქვეყანა, დაინტერესებულია „ევროპის სამეზობლო პოლიტიკის“ წარმატებით.
„თუ ამ ინიციატივის ფარგლებში რუსთავში გარკვეული პროექტები დაიგეგმა, ჩვენ დიდი სიამოვნებით დავეხმარებით რუსთაველ მეგობრებს მათ განხორციელებაში“, - თქვა ჯეზი კროპილინსკიმ.

რუსთავის მერმა მამუკა ჩიქოვანმა თავის მხრივ დასძინა, რომ რუსთავს ევროკავშირის ფარგლებში 8 პროექტი აქვს მომზადებული.
„ამ პროექტების განხორციელების შემთხვევაში ლოძი ჩვენი უმთავრესი პარტნიორი იქნება“, - თქვა მამუკა ჩიქოვანმა, - „პროექტები, ძირითადად, ორიენტირებულია რუსთავის ინფრასტრუქტურისა და ადგილობრივი ინდუსტრიის განვითარებაზე.“

მერიაში გამართული შეხვედრის შემდეგ, პოლონელი სტუმარი რუსთავის მხარეთმცოდნეობის მუზეუმს ეწვია, შემდეგ დაათვალიერა ქალაქი და იმ ობიექტებს გაეცნო, სადაც გამალებული მშენებლობა მიმდინარეობს ან უკვე დასრულდა, კერძოდ, საუბარია ქალაქის შემოსასვლელსა და მეგობრობის გამზირზე, სადაც საავტომობილო გზის ზოგიერთ მონაკვეთზე ასფალტის ახალი საფარის დაგება ჯერ კიდევ მიმდინარეობს, მთელი გზის გაყოლებაზე კი ლამაზი სკვერები მოეწყო და ფეხით მოსიარულეთათვის ფილაქნების დაგება ხდება.
 
ნანახია: 776 | დაამატა: Nikolozi | თარიღი: 01.07.2009 | კომენტარი (0)

22 ივნისს ქვემო ქართლის სამხარეო ადმინისტრაციაში, სახელმწიფო მინისტრი რეგიონალურ საკითხებში დავით ტყეშელაშვილი, მხარის გუბერნატორთან დავით კირკიტაძესთან ერთად, რაიონების გამგებლებს შეხვდა. შეხვედრის მიზანი იყო მხარის მასშტაბით განსახორციელებელი პროექტების მოსმენა. კერძოდ კი რაიონებში სასმელ-სარწყავი წყლის, კომუნალური საკითხები მოგვარება.


ხოლო რუსთავში საცხოვრებელი სახლების სარდაფებში ამორტიზირებული სისტემების გამოცვლა, შენობების გადახურვა, ლიფტების შეკეთება და სხვა საკითხების მოგვარება.


„ძალიან ბევრი რამ არის გაკეთებული ქვემო ქართლის მხარეში, თუმცა რაიონებში მოქალაქეთა ცხოვრების პირობების გასაუმჯობესებლად, გემგებლებს მეტი მუშაობა მართებთ“-განაცხადა სახელმწიფო მინისტრმა რეგიონალური მართვის საკითხებში დავით ტყეშელაშვილმა. მისივე თქმით, რუსთავში გზების აღდგენის სამუშაოების გასაგრძელებლად ცენტრალური ბიუჯეტიდან დამატებით 800-900 ათასი ლარი გამოიყოფა.


დღესვე, სახელმწიფო მინისტრმა რუსთავში კონსტიტუციის ქუჩაზე მიმდინარე გზის სარემონტო სამუშაოები ადგილზე მოინახულა.
 
 
ნანახია: 738 | დაამატა: Nikolozi | თარიღი: 01.07.2009 | კომენტარი (0)

9 ივლისს ქვემო ქართლში პრეზიდენტის რწმუნებულის-გუბერნატორის ადმინსტრაციაში, ქალაქ რუსთავში მცხოვრებ 3 წარჩინებულ მოსწავლეს, საქართველოს პრეზიდენტის საჩუქრები, პერსონალური კომპიუტერები საზეიმო ვითარებაში გადაეცათ.

 

მე-10 საჯარო სკოლის მოსწავლემ მთვარისა ზედელაშვილმა,  მე-3 საჯარო სკოლის მოსწავლემ ნინო გოგავამ და მე-18 საჯარო სკოლის მოსწავლემ ქრისტინე კულიკმა, ცოტა ხნის წინ, საქართველოს პრეზიდენტს თხოვნით მიმართეს.


წარჩინებულ მოსწავლეებს პრეზიდენტის სახელით საჩუქრები, ქვემო ქართლში პრეზიდენტის რწმუნებულის-გუბერნატორის, ადგილობრივი თვით-მმართველობისა და სახელმწიფო ორგანოებთან ურთიერთობის სამსახურის უფროსმა, ნიკა ავალიანმა გადასცა. მან მოსწავლეებს საქართველოს პრეზიდენტის მილოც, ასევე სამადლობელო წერილები გადასცა და მოსწავლეებს წარმატებები უსურვა სწავლა-განათლებასა და მომავალ საქმიანობაში
 
 
 
ნანახია: 836 | დაამატა: Nikolozi | თარიღი: 01.07.2009 | კომენტარი (0)

რუსთავის მეტალურგიულ კომბიანტში ოცწლიანი პაუზის შემდეგ, ქართული ფოლადის გამოდნობა დაიწყება.

საწარმოში ჩამოტანილია თანამედროვე ტიპის ფოლადსადნობი ღუმელები, რომელიც სს "ქართულ ფოლადს" 9 მილიონი დოლარი დაუჯდა.

სს. "ქართული ფოლადის" კომერციული დირექტორის გივი გიგინეიშვილის განცხადებით, ღუმელების ამუშავება საწარმოს უფრო დამოუკიდებელსა და რენტაბელურს გახდის.

"ჩვენ დავიწყეთ ფოლადსადნობი კომპლექსის მშენებლობა, დღეისათვის დანადგარების 80% ჩამოსულია. მივიღეთ ე.წ. "ციცხვის ღუმელი" სადაც ფოლადის სასურველ მარკამდე დაყვანა ხდება. რამდენიმე დღეში ჩამოვლენ უცხოელი სპეციალისტები, რომლებიც დაიწყებენ ღუმელების მონტაჟს. ოცი წლის შემდეგ, რუსთავში ქართული ფოლადი კვლავ ჩამოისხმება. ამ საამქროს ამუშავების შემდეგ კი, ქარხანაში დასაქმებულ მეტალურგთა რაოდენობა კიდევ უფრო გაიზრდება,"- აცხადებს "რეგინფოსთან” გივი გიგინეიშვილი.
 
 
ნანახია: 1469 | დაამატა: Nikolozi | თარიღი: 01.07.2009 | კომენტარი (0)

თვითმმართველმა ქალაქ რუსთავის მერიამ ებრაულ შეზღუდული პასუხისმგებლობის საზოგადოება “ფერტუნა მედისთან” ხელშეკრულება გააფორმა.

ფირმამ 2 წლის ვადაში ქალაქში არსებული 69 გაჩერება უნდა გააკეთოს.

„ეს არის ებრაული ფირმა, რომელსაც 59 წლიანი იჯარით გადაეცა ქალაქის კუთვნილებაში არსებული სამგზავრო ავტობუსების გაჩერებები. “ფერტუნა მედია“-მ გაჩერებების სტილი და დიზაინი ადგილობრივ არქიტექტურის სამსახურს შეუთანხმა. ტერიტორიებს პროფილი არ შეეცვლება და სამგზავრო ავტობუსების გაჩერებებთან ერთად ფირმამ კომერციული ინტერესებიდან გამომდინარე, შეიძლება, სატელეფონო ან საგაზეთო ჯიხურებიც გააკეთოს”, - აცხადებს რუსთავის თვითმმართველობის ქონებისა და მიწის მართვის სამსახურის ხელმძღვანელი ლუიზა გელაშვილი.

“ფერტუნა მედიამ” ადგილობრივ ბიუჯეტში ყოველწლიურად 1380 კვ.მ მიწის იჯარის საფასურად 1605 ლარი უნდა გადაიხადოს.
 
ნანახია: 900 | დაამატა: Nikolozi | თარიღი: 30.06.2009 | კომენტარი (0)

რუსთავის რეპ ჯგუფ Evolution - ის ჯგუფ Vtornizza - ს და DJ Black - ს უნდა ჰქონოდათ კონცერტი რუსთავის კლუბ X CLUB ში 19 ივნისში შაბათს, მაგრამ ეს დაპირებული კონცერტი თურმე გადაიდო - ჯერ თვითონ ჯგუფ ვტორნიცის წევრმა Khix - მა არ იცის როდის ჩატარდება ეს შოუ.
როცა კი მოვა დრო მე წინასწარ გაგაფრთხილებთ ამის შესახებ.
 
 
ნანახია: 896 | დაამატა: Nikolozi | თარიღი: 19.06.2009 | კომენტარი (0)

რუსთავში დღეს რუსეთ-საქართველოს ომში დაღუპული კიდევ ერთი მებრძოლის, ლევან იოსელიანის სახელობის ქუჩა გაიხსნა.
დღესვე, იმ სკოლაში, სადაც სამშობლოს ტერიტორიული მთლიანობისათვის გარდაცვლილი კაპრალი სწავლობდა, მისი ხსოვნისადმი მიძღვნილი ღონისძიება გაიმართა.
ღონისძიებას თავდაცვის მინისტრის პირველი მოადგილე ვლადიმერ ჩაჩიბაია, მე-4 ქვეითი ბრიგადის მეთაური, მაიორი გიგი კალანდაძე, რუსთავის მერი მამუკა ჩიქოვანი და დაღუპული კაპრალის ოჯახის წევრები, მეგობრები და რიგითი მოქალაქეები დაესწრნენ.
ქალაქ რუსთავის ილია ჭავჭავაძის სახელობის #1 საჯარო სკოლის პედაგოგებმა ლევან იოსელიანის სწავლის პერიოდი გაიხსენეს, ამავე სკოლის მოსწავლეებმა კი, ქართველი პოეტების მიერ პატრიოტულ თემაზე დაწერილი ლექსები წაიკითხეს.
მოგვიანებით სკოლის სტენდზე დაღუპული კაპრალის სახელობის მემორიალური დაფა საზეიმო ვითარებაში გაიხსნა. შეიარაღებული ძალების სამხედრო ორკესტრმა სახელმწიფო ჰიმნი შეასრულა.
მე-4 ქვეითი ბრიგადის კაპრალი, ლევან იოსელიანი 21 წლის ასაკში, ცხინვალში საომარი მოქმედებებისას დაიღუპა. კაპრალი იოსელიანი, სიკვდილის შემდეგ, ვახტანგ გორგასლის სახელობის მედლით არის დაჯილდოებული.
 
ნანახია: 956 | დაამატა: Nikolozi | თარიღი: 17.06.2009 | კომენტარი (0)

საქართველოს თვითმმართველობისა და რეგიონული მმართველობის მინისტრი დავით ტყეშელაშვილი 19 მაისს რუსთავში იმყოფებოდ, სადაც ის საგზაო სამუშაოების მიმდინარეობას გაეცნო.
რუსთავის ცენტრალური ქუჩების რეაბილიტაციაზე წელს 8 მილიანი ლარი დაიხარჯება და 20 ათასი კვადრატული მეტრი ასფალტის საფარი დაიგება.
„ეს არის ასობით სამუშაო ადგილი“, - განაცხადა დავით ტყეშელაშვილმა.
ამ ეტპზე ძირითადი სამუშაოები მეგობრობის გამზირზე მიმდინარეობს. სამუშაოების მნიშვნელოვან ნაწილს მუნიციპალური განვითარების ფონდი აფინანსებს. ნაწილს ცენტრალური და ადგილობრივი ბიუჯეტები.
 
ნანახია: 897 | დაამატა: Nikolozi | თარიღი: 17.06.2009 | კომენტარი (0)

1 2 »