პარასკევი, 24.11.2017, 16:10 | მოგესალმები სტუმარი | რეგისტრაცია | შესვლა
მთავარი » 2009 » ივლისი » 1 » რუსთავი დაძმობილებულ პოლონურ ქალაქთან კონტაქტებს აღრმავებს
რუსთავი დაძმობილებულ პოლონურ ქალაქთან კონტაქტებს აღრმავებს
21:34

გუშინ რუსთავს პოლონეთის ქალაქ ლოძის მერი ჯეზი კროპილინსკი ესტუმრა და თავის რუსთაველ კოლეგას, მამუკა ჩიქოვანს, შეხვდა.

ბუნებრივია, საუბარი ორ დაძმობილებულ ქალაქს - რუსთავსა და ლოძს შორის ურთიერთანამშრომლობის გაღრმავების პერსპექტივას შეეხო.
ცნობისთვის, რუსთავისა და ლოძის მეგობრების ისტორია სათავეს გასული საუკუნის 90-იანი წლების ბოლოდან იღებს, თუმცა კონტაქტები მაინც ოფიციალურ დონეს არ გასცილებია, ერთობლივი პროექტები კი, მხოლოდ საგანმანათლებლო სფეროში ხორციელდებოდა და გამოცდილების ურთიერთგაზიარებით შემოიფარგლებოდა. მაგალითად, პოლონელი სპეციალისტების მონაწილოებით, რუსთავის თვითმმართველობის წარმომადგენლებისთვის ტრენინგები ტარდებოდა.

თუმცა მამუკა ჩიქოვანთან შეხვედრის შემდეგ ჯეზი კროპილინსკიმ ჟურნალისტებს ერთი საინტერესო ინფორმაცია გაანდო: შემოდგომაზე რუსთავიდან ოფიციალური დელეგაცია გაეგმგზავრება, დელეგაციის შემადგენლობაში რუსთაველი ბიზნესმენებიც იქნებიან, რომლებიც ლოძის საქმიანი წრეების წარმომადგენლებთან კონტაქტებს დაამყარებენ.
„სრულიად მოსალოდნელია, რომ ამ შეხვედრებმა ბიძგი მისცეს ერთობლივი ბიზნეს- პროექტების განხორციელებას, მით უფრო, რომ ლოძი, ისევე როგორც რუსთავი, ინდუსტრიული ქალაქია“, - თქვა ლოძის მერმა.

ჯეზი კროპილინსკი საქართველოში „ევროპის სამეზობლო პოლიტიკის“ ფარგლებში თბილისში ორგანიზებულ კონფერენციაზე დასასწრებად ჩამოვიდა.
„ევროპის სამეზობლო პოლიტიკა“, - ევროკავშირის ეს ტრატეგიული ინიციატივა, პოსტსაბჭოთა ქვეყნებში თვითმმართველობების დონეზე პროექტების განხორციელებასაც ითვალისწინებს.

ლოძის მერის თქმით , პოლონეთი, როგორც ევროკავშირის წევრი ქვეყანა, დაინტერესებულია „ევროპის სამეზობლო პოლიტიკის“ წარმატებით.
„თუ ამ ინიციატივის ფარგლებში რუსთავში გარკვეული პროექტები დაიგეგმა, ჩვენ დიდი სიამოვნებით დავეხმარებით რუსთაველ მეგობრებს მათ განხორციელებაში“, - თქვა ჯეზი კროპილინსკიმ.

რუსთავის მერმა მამუკა ჩიქოვანმა თავის მხრივ დასძინა, რომ რუსთავს ევროკავშირის ფარგლებში 8 პროექტი აქვს მომზადებული.
„ამ პროექტების განხორციელების შემთხვევაში ლოძი ჩვენი უმთავრესი პარტნიორი იქნება“, - თქვა მამუკა ჩიქოვანმა, - „პროექტები, ძირითადად, ორიენტირებულია რუსთავის ინფრასტრუქტურისა და ადგილობრივი ინდუსტრიის განვითარებაზე.“

მერიაში გამართული შეხვედრის შემდეგ, პოლონელი სტუმარი რუსთავის მხარეთმცოდნეობის მუზეუმს ეწვია, შემდეგ დაათვალიერა ქალაქი და იმ ობიექტებს გაეცნო, სადაც გამალებული მშენებლობა მიმდინარეობს ან უკვე დასრულდა, კერძოდ, საუბარია ქალაქის შემოსასვლელსა და მეგობრობის გამზირზე, სადაც საავტომობილო გზის ზოგიერთ მონაკვეთზე ასფალტის ახალი საფარის დაგება ჯერ კიდევ მიმდინარეობს, მთელი გზის გაყოლებაზე კი ლამაზი სკვერები მოეწყო და ფეხით მოსიარულეთათვის ფილაქნების დაგება ხდება.
 
ნანახია: 766 | დაამატა: Nikolozi | ტეგები: დაძმობილებულ, აღრმავებს, რუსთავი, ქალაქთან, კონტაქტებს, პოლონურ | რეიტინგი: 0.0/0 |
სულ კომენტარები: 0
სახელი *:
Email *:
კოდი *: